Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua An tsuim ollmhór atá agam i luas mear scuaise

An tsuim ollmhór atá agam i luas mear scuaise

Thosaigh mé ag imirt scuaise thart ar 10 mbliana ó shin. Bhí cara liom ag staidéar in Ollscoil na Gaillimhe agus is ansin a d’imir mé an cluiche órga seo den chéad uair riamh. Thóg sé tamaill orm dul i dtaithí air. Tá luas an chluiche an-tapa, tá an liathróid an-tapa agus an-bheag chomh maith. Má stopann tú ag bogadh cailleann tú an pointe. Ní mór duit a bheith ag filleadh an t-am ar fad go lár na cúirte agus tú réidh i gcónaí don chéad bhuille eile. Is cuimhin liom nuair a bhí mo chéad pháiste óg go leor, ina leanbh, bhí sé deacair orm dul síos ar mo ghogaide nó ar an urlár théis cluiche scuaise mar gheall ar an iarracht agus ar an mbrú a chuireann sé ar do chosa.

Le cúpla bliain anuas tá Sky Sports ag taispeáint na gcomórtas mór leis na himreoirí is fearr ar domhan. Bíonn na comórtais seo ag tarlú in áiteanna atá an-spéisiúil ar fad. Tá an chúirt déanta ina iomlán as gloine mar sin is féidir é a chrochadh in áit ar bith. Chonaic mé comórtas amháin i lár Grand Central Station i Nua-Eabhrac agus daoine ag siúl thart ag dul ag obair ar gach aon taobh agus na himreoirí ag imirt. Dá bhfeicfeá na dreasa agus an tsárimirt a bhíonn ar siúl ag na himreoirí proifisiúnta; is fiú breathnú ar YouTube más maith libh iad a fheiceáil.

clú agus cáil ar imreoirí scuaise san Éigipt. Tá na seaimpíní domhanda acu ar nós Amir Shabana. Tá nós agus traidisiún an-láidir sa tír sin ó thaobh na scuaise de. Bhí an cluiche seo an-mhór sa tír s’againne trí na seachtóidí agus go mór mór sna hochtóidí. Bhí cúirteanna chuile áit, bhí daoine ag imirt scuaise mórthimpeall na tíre i gclubanna CLG. Agus ansin fuair an spórt bás saghas, cuireadh go dtí na cúl-leathanaigh é. Ní thuigim cén fáth. Gan dabht ar bith tá sé ar cheann de na cluichí is fearr atá ann ó thaobh an ‘workout’ mar a déarfá, théis uair an chloig bíonn tú lánchinnte go bhfuil rud éigin fisiciúil déanta agat. Tá an galar orm anois, ní féidir liom dul tríd an tseachtain gan é a imirt faoi dhó nó faoi thrí. Ar nós an ghalfaire atá sa teach leat má tá, is breá leo an galf, is breá leo imeacht ag imirt, agus is breá leo an spórt a théann leis. Molaim do gach duine scuais a thriail, níl sé éasca, níl sé mall ach idir an chúirt chearnógach, idir na ceithre bhalla chrua sin tá ceann de na spóirt is fearr riamh ag feitheamh ort.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter