Foinse.ie

Saor Leis an Irish Independant gach Ceardoin

Dé hAoine 25 Eanáir 2013

RSS

TÁ TÚ ANSEO Tuairimí Scéalta ón Taobh Rua Tá blas faoi leith ar bhia a bhíonn ar bheárbaiciú

Tá blas faoi leith ar bhia a bhíonn ar bheárbaiciú

Bhí geimhreadh uafásach againn, le fuacht agus sioc agus d’ísligh an teocht go -15 céim ach tá an samhradh tagtha faoi dheireadh agus tá dath buí ar chraiceann beagnach gach duine. Tá na páirceanna glas agus lán le féar. Tá na feirmeoirí ag ullmhú don séasúr mór oibre. Is breá liom an t-am seo den bhliain.

Tá mé ag éirí go luath anois gach maidin le sé mhí anuas le dul amach ag obair agus cheapfá gur meán lae atá ann na laethanta seo agus tú ag breathnú amach tríd an bhfuinneog ag 5.30am.

Is é seo séasúr na BBQs, séasúr na cócaireachta taobh amuigh. Ta mo BBQ féin ag fáil sean go leor, tá sé in úsáid anois le roinnt mhaith blianta. Ag an tús, thug mé aire mhaith dó.

Thóg sé ceithre huaire an chloig é a chur le chéile. Níor thaitin an obair sin liom go dtí i mbliana, go dtí gur chuir mé dhá leaba ó Ikea le chéile. Tá níos mó foighne agam anois, níos mó ama, agus níos mó tuisceana ar an bpróiseas tógála.

Tá deireadh tagtha le mo BBQ anois áfach mar d’fhág mé amuigh faoin aer é i rith an gheimhridh. Bhí clúdach air, ach fós féin níl cuma rómhaith air. Chonaic mé an stíl BBQ a bhíonn in úsáid acu san Afraic Theas an uair dheireanach a bhí mé ansin.

‘Bri’ a ghlaonn siad orthu thíos ansin, ní úsáidtear an téarma BBQ ar chor ar bith. Is éard é an bri ná post amháin ina sheasamh le ciorcal speisialta déanta as miotal.

Is cuimhin liom a bheith ag an gcluiche rugbaí in Durban idir na Leoin agus an Afraic Theas. Is éard a tharlaíonn ansin ag na cluichí móra ná go mbíonn cóisir mhór le feoil agus beoir acu roimh , taobh amuigh den staidiam.

Bíonn na mílte mílte duine ag cócaireacht ar an bri ansin. Is ócáid faoi leith í an chócaireacht brí seo. Tá traidisiún agus cultúr ag baint leis ngnó seo ar fad.

Nil an cultúr sin againn go fóill ach le cúnamh Dé, is gearr go mbeidh. Samhlaigh an saol anseo dá mbeimis in ann a bheith ag cócaireacht amuigh faoin aer an séasúr ar fad.

blas agus boladh faoi leith ar an mbia a chócaráiltear ar an tine the seo. Bíonn i bhfad níos mó ocrais ort agus tú amuigh faoin aer.

Ar aon nós, tá BBQ nua ag teastáil uainn i mo theachsa an samhradh seo agus ba chóir dom brostú mar gheall go bhfuil an dea-aimsir tagtha faoi dheireadh.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter