Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua Fuaim na feadóige móire ar ais le hamhrán nua

Fuaim na feadóige móire ar ais le hamhrán nua

Déanann muid an-iarracht tacaíocht a thabhairt do ghrúpaí ceoil na tíre seo ar an gclár, seinneann muid an ceol ar na seinnliostaí agus chomh maith leis sin tugann muid cuireadh dóibh teacht isteach agus seinnt beo dúinn sa stiúideo i nGaillimh.

Tháinig scata ceoltóirí isteach ar an gclár raidió an lá cheana, is é an t-ainm a bhí orthu ná Inish Turk Beg Collective. Grúpa de cheoltóirí aitheanta sa tír seo, ceoltóirí traidisiúnta agus ceoltóirí nua-aimseartha. Tháinig siad le chéile chun an fheadóg mhór a cheiliúradh. Bhíodar ag iarraidh an fheadóg mhór a mheascadh in amhráin nua-aimseartha agus sin atá déanta acu ar an dlúthdhiosca The Inish Turk Beg Collective.

Tá leabhar álainn curtha le chéile acu chomh maith le dul leis an CD, rinneadh agus tógadh an rud ar fad thuas i gContae Mhaigh Eo ar oileán Atlantach atá ina luí faoi scáth an Reek Mór, Cruach Phádraig. Níl mórán daoine ná tithe amuigh ar Inis Toirc Beag, is oileán príobháideach é. Thóg said cúpla teach nua ann, agus stiúideo taifeadta ceoil. Is tearmann é an áit, is lárionad síochánta atá ann i gCuan Mó. Is é Lance Hogan atá mar phríomhcheoltóir agus stiúrthóir ar an gceol, tá clú agus cáil ar Lance mar an drumadóir atá ag Kíla agus ceoltóirí eile.

Bhí sé ainmnithe ar liosta cumadóirí ceoil ag na IFTAS i mbliana. Le Steve Belton ó Fountainhead, a sheinneann an fhidil le Sharon Shannon agus Damien Dempsey, agus Alan O’Doherty ón ngrúpa cáiliúil traidisiúnta Gráda ar an bhfeadóg mhór. Phioc siad 10 n-amhrán nua-aimseartha, ó Cee Lo Green ‘Crazy’, Muse ‘Uprising’ agus Kings of Leon ‘Sex on Fire’ agus ar an taobh eile leag siad síos an taobh traidisiúnta de. Tá sé deacair é a shamhlú ach den chéad uair riamh tá fuaim na feadóige móire théis nuamhaisiú a fháil. As seo amach beidh i bhfad níos mo tionscadal agus smaointí mar seo ag tarlú.

Beidh ceoltóirí agus ealaíontóirí agus dealbhóirí agus léiritheoirí ag iarraidh teacht ar bhunsmaointí an-simplí, smaointí atá ceangailte le muintir na tíre seo. Coinnigh súil amach don bhanna ceoil seo agus éist leis an bhfeadóg mhór. Thiar i 1991 bhí cónaí orm amuigh in Árann ar Inis Meáin, teastaíonn uaim anois blaiseadh de na hoileáin eile mórthimpeall na tíre seo. Cuirfidh mé tús le mo thuras Amú ar na hOileáin Éireannacha ar bharr an Reek. Mo dhéshúiligh i mo láimh agus léarscáil de Chuan Mó i mo phóca.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter