Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua Imirt den scoth ó na foirne ón gcúldoras

Imirt den scoth ó na foirne ón gcúldoras

D'fhág me slán ag Bilbao ar an Satharn agus tá mé ar ais arís i nGaillimh. Bhí mé ag súil go mór le cluichí CLG an deiridh sheachtaine ach is oth liom a rá go bhfuil deireadh le séasúr Cho. na Mí i gcraobhchomórtas peile na hÉireann i mbliana. Bhreathnaigh mé ar an gcluiche in aghaidh Chill Dara agus mé thuas ag Rásaí na Gaillimhe. Bhí Cill Dara ar fheabhas sa dara leath agus an bua ar fad tuillte acu.

Níl a fhios agam faoi Cho. na Mí, tá a fhios ag cách céard a tharla in aghaidh Cho. Lú. Cheap mé go raibh an-seans againn i mbliana nuair a bhuamar ar Bhaile Átha Cliath ach is gal soip a bhí ann. Níor imir an fhoireann chomh maith sin ó shin. Bhí mé ag rá dá mbeadh Co. na Mí i gcraobh na hÉireann go dtiocfainn ar ais ó Cheanada, áit a mbeidh mé ag taifeadadh mo shraithe nua do TG4. Ach ní mar sin a bheidh sé, ach caithfidh mé a rá go bhfuil an comórtas sinsir an-suimiúil i mbliana.

Cé a cheapfadh go mbeadh Tír Eoghain agus Ciarraí caite amach? Bhí an Galvin Factor in easnamh ar Chiarraí arís in aghaidh an Dúin. Beidh clár nua ar an teilifís sula i bhfad, Galvanised an t-ainm a bheas air, agus tá mé lánchinnte go mbeidh an clár an-suimiúil go deo.

Agus anois, le ceithre fhoireann fágtha, cé a cheapfadh gur foirne ar fad ón gcúldoras a bheadh ag troid sna cluichí leathcheannais? Beidh ainm nua ar an gcorn, beidh contae nua ag ceiliúradh i mí Mheán Fómhair. Tar éis Cill Dara a fheiceáil an tseachtain seo caite, tá mo chuid airgid ag dul orthu. Tá ocras orthu; le sé seachtaine anuas, tá siad ag imirt gach uile dheireadh seachtaine. Tá siad ag feabhsú le gach cluiche agus nach mbeadh sé ar fheabhas mar onóir do Dermot Earley Snr a cailleadh cúpla seachtain ó shin dá mbeadh na Lilly Whites in ann é a dhéanamh.

Ba laoch é Dermot Earley Snr i gcúrsaí peile sa tír seo. Bhí an t-ádh liom bualadh leis díreach bliain ó shin sa Nás ag bronnadh ghradam scoláirí Bhanc na hÉireann. Shuigh mé taobh leis féin agus lena bhean chéile ag dinnéar ar an oíche agus ba mhór an spórt agus an craic a bhí eadrainn.

Tá na Dubs fós ann agus iad in aghaidh Chorcaí sa chluiche leathcheannais eile, beidh Cnoc 16 lán go béal i gceann cúpla seachtain. Bhí cic sa tóin ag teastáil ó Bhaile Átha Cliath, agus tá turas maith déanta acu trí na cluichí cáilithe. Mar sin, cuirfidh mé síos ar pháipéar anois é, beidh mé ag cur geall istigh in Paddy Powers an tseachtain seo ar Chill Dara. Cúige Laighean in uachtar i mbliana sa pheil.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter