Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua Ag filleadh ar Thír Chonaill, áit ar casadh mo ghrá geal orm

Ag filleadh ar Thír Chonaill, áit ar casadh mo ghrá geal orm

Bhí mé i dTír Chonaill an deireadh seachtaine seo caite — a leithéid de thuras suas ann ó Ghaillimh. Thóg sé níos mó ná ceithre huaire orainn tiomáint ó Ghaillimh. Bhíomar ag fanacht i nGaoth Dobhair. Caithfidh mé a rá gur fiú go mór an turas mar tá an ceantar go hálainn ar fad. Ag tiomáint amach ó Leitir Ceanainn trí Pháirc Náisiúnta Ghleann Bheatha. Sléibhte agus níos mó sléibhte, an Earagail ina measc. Cheap mo pháistí gur bolcán a bhí ann — an-ait go deo. Is maith liom na daoine thuas ann, tá siad cairdiúil agus spraíúil. An samhradh seo chugainn táimid chun seachtain a chaitheamh thuas ann.

Is cuimhin liom an chéad uair a thug mé cuairt ar Thír Chonaill. Bhí sé siar i 1989, bhí mé ag dul go Gleann Cholm Cille mar bhí an tOireachtas ar siúl. Bhí sé ar fheabhas ar fad, scoth an cheoil agus na hamhránaíochta agus craic ar dóigh, mar a deir siad. Is ag an Oireachtas ansin a leag mé súil ar mo bhean chéile. Bhí sí ann le Club Óige as Inis, Co. an Chláir, ag seinm ceoil. Chonaic mé í ag an gcéilí ann agus d’iarr mé uirthi dul amach ag rince. Rinne mé iarracht set an Chláir a dhéanamh léi agus faoin am a raibh an damhsa ag críochnú bhí a fhios agam go bpósfainn í.

Ar ábhar eile, tá an Premiership tosaithe arís, buíochas le Dia agus an séasúr nua faoi lán seoil. Bhí bua an-éasca ag Chelsea in aghaidh West Brom agus tá mé sásta le Manchester United agus na himreoirí nua atá tagtha isteach — Chicharito ó Mheicsiceo agus Bebe ón bPortaingéil. Tá cuma an-mhaith ar Chris Smalling sna cúlaithe a tháinig isteach ó Fulham. Beidh mo chuid airgid ag dul ar United i Sasana don chraobh agus ar Mhaidrid sa Spáinn. Beidh sé iontach suimiúil conas a éiríonn le Jose Mourinho sa Bernabeau. Tá Jose ar thuras timpeall na hEorpa mar bhainisteoir ag bailiú craobhacha sraithe i ngach aon tír.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter