Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua Tá muid in ann a bheith bródúil as an tír bheag seo

Tá muid in ann a bheith bródúil as an tír bheag seo

Níor cheap mé riamh go mbeadh Banríon Shasana ag seasamh os comhair an Rialtais, Uachtarán na tíre seo agus ceamaraí na tíre seo ag tosú óráid oifigiúil i nGaeilge. Ach tharla sé agus chualamar ar fad é. Ní raibh ann ach abairt amháin, ‘A Uachtaráin agus a chairde’ ach bhí i bhfad níos mó, an t-uafás brí ag baint leis.

Ar aon chaoi, tá an tír seo ag borradh faoi láthair le hócáidí móra domhanda ar siúl, an Bhanríon, Obama, Craobh UEFA san Aviva agus rath Chúige Laighean i gCraobh Rugbaí na hEorpa. An lá cheana ar an raidió labhair mé leis an mbean atá i gceannas ar Charraig Phádraig i dTiobraid Árann agus iad ag ullmhú do chuairt mhór Bhanríon Shasana agus an Phrionsa.

Is é seo an sainchomhartha tíre is cáiliúla atá sa cheantar sin le fada an lá ach a dhaoine uaisle tá sainchomhartha tíre úrnua san áit agus is é sin McDonald’s! Sea, tá na ‘Arches Órga’ tagtha go dtí an áit agus de réir dealraimh ní raibh na scuainí ná na sluaite le feiceáil chomh mór riamh. Is cuimhin liom bheith san Astráil ag taifeadadh mo shraith taistil do TG4 cúpla bliain ó shin, bhí mé in Collingwood, Melbourne, agus chaith mé an lá le Chopper Reid.

B’fhéidir an duine is cáiliúla san Astráil ar fad, labhair sé liom mar gheall ar na cathracha móra san áit, dúirt sé go raibh Ayres Rock ina fhásach iargúlta, go raibh Sydney ina phraiseach lán le surf agus Speedos, go raibh Perth lán le ‘hippies’, go raibh Tasmania lán le ‘culchies’ agus gurb é Melbourne an áit is fearr ar domhan.

Paisean agus bród a bhí á thaispeáint ag an Chopper. Tá an bród agus an paisean sin againn chomh maith sa tír seo. Mothaím go bhfuilimid á nochtadh ar mo chlár radió. Mar sin, céard atá againn sa tír seo, bhuel tá ‘an Wonderful Barn’ i Léim an Bhradáin, tá na Ceithre Bhóthar i nGleann na Madadh, tá an Dolmain i gCeatharlach, tá dealbh den chapall Bobbyjo sa Chreagán, tá Joe Dolan ina sheasamh sa Mhuileann gCearr, tá Charles Stewart Parnell ar theorainn Ros Comáin, tá an Stone Monk i mBéal Átha Chomair, céard é sin go díreach, níl mé róchinnte, agus tá Arthur Guinness ina luí i reilig Uachtar Ard i gContae Chill Dara.

Níl ansin ach cúpla sampla de na sórt rudaí atá sa tír seo i ngach aon sráidbhaile beag.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter