Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua Blas na féile i bPáirc an Chrócaigh an bhliain seo

Blas na féile i bPáirc an Chrócaigh an bhliain seo

Is minic a thug mé cuairt ar Pháirc an Chrócaigh, is minic a bhíomar ar fad ann ag tabhairt tacaíochta don chontae san iománaíocht agus sa pheil. Is páirc iontach í le háiseanna agus radhairc den scoth ag chuile dhuine.

Ach ní gach duine a bhí ag ócáid shóisialta ann, an nóiméad a bhíonn an cluiche thart bíonn gach duine imithe síos an baile mór go dtí na pubanna éagsúla, na clubanna oíche éagsúla agus dar ndóigh an áit cháiliúil sin a bhí ar eolas ag gach uile dhuine sa tír seo ag am amháin nó am eile: Copperface Jacks. Tá CLG théis mar sin an cinneadh a dhéanamh gur mhaith leo an nós seo a athrú beagáinín. Ba mhaith leo na daoine a choinneáil ag an staidiam agus craic agus spraoi a bheith acu ann chomh maith.

Is é an ócáid faoi leith atá pleanáilte acu ná FEVERPITCH 2011 agus beidh sé ar siúl an oíche roimh an gCraobh Peile i mbliana i lár Mhí Mheán Fómhair. Tosaíonn sé ag a 6pm agus leanfaidh sé ar aghaidh go déanach san oíche. Is cineál Picnic Leictreach é seo ach le blas agus beocht CLG.

Beidh ceol beo ar an oíche ó Ryan Sheridan, an leaid óg as Muineachán atá ag tarraingt an-chlú agus cáil air féin lena chuid amhrán le déanaí. Chomh maith leis sin beidh an Inisturk Beg Collective ann, grúpa traidisiúnta a thugann Súil Eile go hiomlán ar cheol na cairte!!

Beidh Royseven ann agus an Riptide Movement chomh maith. Tá CLG ag iarraidh mothúchán Féile a bheith ann ar an oíche le go leor rudaí difriúla ag tarlú in áiteanna éagsúla mórthimpeall an Staidiam. Beidh beáranna éagsúla ann le mojitos agus manglaim le ceol, an Salsa ó na Cuban All Stars.

Ar an stáitse grinn beidh Neil Delamere, Colm O’Regan agus fear na bhfógraí Centra ar an teilifís Fred Cooke. Beidh seó beo ar an stáitse chomh maith le laochra éagsúla CLG agus aíonna speisialta ar an oíche. Smaoinígí ar TFI Friday le Twist an spóirt náisiúnta inti. Agus mé féin a bheas mar fhear an tí air seo!!

Mar sin tá mé lánchinnte go mbeidh mé in ann cúpla ticéad a fháil roimh , agus comórtas beag a dhéanamh anseo do léitheoirí an Taoibh Rua!! Ach i ndáiríre, Fair Play do CLG as ucht an rud nua seo a thriail. Tá súil agam go mbeidh an oíche thar barr agus go mbeidh Sam Maguire in ann codladh i gceart an oíche sin! Meas Mór.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter