Foinse.ie

Saor Leis an Irish Independant gach Ceardoin

Déardaoin 24 Eanáir 2013

RSS

TÁ TÚ ANSEO Tuairimí Scéalta ón Taobh Rua Na sceanna maithe ar bharr an chófra

Na sceanna maithe ar bharr an chófra

Fair play do mo chomhscríbhneoir ar Foinse Dáithí Ó Sé a rinne an-jab thíos i dTrá Li ag an Rós an tseachtain seo caite. Bhí comórtas géar ann agus tháinig an Ros ó Lucsamburg amach chun cinn. An bhfaca sibh na duaiseanna a bhfuair sí?

Ina measc bhí gluaisteán, bhí saoire dhomhanda de luach 25,000 Euro, bhí an Tiara Oifigiúil ó Newbridge Silver ach ná bac leo siúd ba ea an Duais is fearr ar fad an oíche ná an “Set Nua de Sceana agus Forcanna”. Go hálainn ar fad, os comhair na tíre agus an domhain bheartaigh an Coiste ar Rós Thrá Lí Set Cutlery a thabhairt dóibh mar phríomhdhuais.

Coinnigh amach ó Mhamaí iad mar is breá linn ar fad Set nua Sceana agus Forcanna a fhail. Tá mise pósta le 10 mbliana anuas agus mar bhronntanas pósta ag an am fuaireamar dhá Set nua. Ceann amháin ina bhfuil steak knives ar fad agus cinn mhóra agus gnáthcheann an ceann eile. Cár cuireadh iad ar fad? Thuas ar bharr an chófra sa chistin.

Tá said fós ann deich mbliana ina dhiaidh agus iad breá nua! Is breá linn an stuif seo a choinneáil... nach bhfuil áit agus spás ag gach máthair sa teach don stuif “Maith”. Istigh sa seomra suite, nó an seomra suite maith atá an stuif i dtigh mo mháthar i gContae na Mí. Na deochanna, an fíon agus an branda, na gloiní maithe, ciclipéidí ar fad chomh maith agus na Photo Albums éagsúla. “Gabh isteach go dtí an Seomra Suite” agus “Faigh na gloiní maithe”.

Sin a dheireann mo mháthair ó am go chéile, go mór mór nuair atá “Cuairteoirí” ag an teach againn. Ní dóigh liom go dtarlaíonn sé in aon tír eile san Eoraip go mbíonn “Seomra Maith” beagnach i ngach teach. Meas tú an bhfuil an seomra seo ag na Sualannaigh, nó ag na Danmhargaigh, nó ag muintir na Spáinne, nó muintir na Fraince fiú? Ní dóigh liom é. Ach sin mar atá muid sa tír seo, sin mar atá Muintir na Tíre seo agus sin mar a bhíonn na tithe sa tír seo.

Sin an fáth a sheasann an tír seo amach, seo Éire agus seo an bealach a dhéantar rudaí sa tír seo. Ach más féidir linn rud amháin a dhéanamh ba chóir dúinn ar fad an Set Nua Sceana agus Forcanna a thógáil anuas ó bharr an chófra agus iad a úsáid. Sin atá mé féin chun a dhéanamh anocht, iad a úsáid, an fheoil a ithe agus iad a chaitheamh isteach sa meaisín níocháin den chéad uair ariamh.

Tá súil agam go mbeidh an Ros ó Lucsamburg ag baint taitnimh as an Set nua agus í sa mbaile an tseachtain seo chugainn.

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter