RSS

TÁ TÚ ANSEO Tuairimí Scéalta ón Taobh Rua Gléasta suas d'Oíche Shamhna

Scéalta ón Taobh Rua \| Hector Ó hEochagáin

Gléasta suas d'Oíche Shamhna

Tá na hÉireannaigh, muidne, ag éirí níos fearr, bhuel ní dóigh liom gurb é sin an focal ceart nó an nath ceart le n-úsáid anseo, tá muid ag dul i dtaithí ar an ngléasadh suas.

An tseachtain seo timpeall na tíre beidh na páistí ag gléasadh suas d’Oíche Shamhna, beidh múinteoirí ag gléasadh chomh maith. Théis na hoibre ar an Aoine seo chugainn beidh na mílte cailleach agus vaimpír agus cnámharlach ag siúl timpeall na Gaillimhe agus Chorcaí, Bhaile Átha Cliath agus Luimnigh.

Fiche bliain ó shin bhí faitíos orainn gléasadh suas le haghaidh na gcóisireacha seo. Dá mba rud é gur dúradh leat go raibh Fancy Dress ann bheadh gáire faoi. “Fancy Dress! Fancy Dress! Níl seans dá laghad ann go bhfuil mise chun gléasadh suas.” Bhíomar cúthailleach, bhíomar místuama faoi. Bhí an dearcadh ann go raibh gach duine ag féachaint ort, go raibh siad ar tí gáire fút agus tú ag siúl isteach an doras. Ach i gcónaí ag an gcóisir fancy dress bhí duine amháin nó beirt a bhí iontach ag an ngléasadh, iontach ag an “ealaín” seo.

Ní raibh an méid sin siopaí do ghléasadh suas ann ach an oiread, is comhartha ón Tíogar Ceilteach iad na siopaí seo. Le 5 nó 6 bliana anuas ní rabhamar sásta an chulaith a dhéanamh sa mbaile, bhí an chulaith phroifisiúnta uainn. Sin an fáth go bhfuil na siopaí seo i ngach aon bhaile sa tír beag nó mór. Tá an chulaith chéanna agamsa le cúpla bliain anuas. Níl a fhios agam conas a tharla sé ach roghnaigh mé an tseanstíl ó 1977 nó mar sin a bhí in úsáid ag David Bowie agus an carachtar eile a bhí aige Ziggy Stardust. Is maith liom an íomhá ghinearálta atá ag Ziggy, an ghruaig beagáinín ar nós mo chuid gruaige féin b’fhéidir… ach is iad an culaith léime agus na buataisí is fearr liom. Caith isteach an smideadh aghaidhe agus tá sé agat.

An tseachtain seo caite rinneamar fógra nua don teilifís le haghaidh Barnardos; mé féin, Colm Hayes agus Tubridy ag stad an bhus, ag dul nó ag teacht ón gcóisir. Gléasta suas agus réidh gan éinne ag gáire fúinn ná ag breathnú orainn… Bhuel beidh oraibh an fógra a fheiceáil.

Is fúibh féin é an deireadh seachtaine seo gléasadh suas daoibh féin agus cúpla punt a bhailiú más féidir do Barnardos atá ag déanamh sárobair sa tír le páistí agus daoine óga atá i gcruachásanna. Tuilleadh eolais ag www.2fm.ie/dressup

Scríobh nóta tráchta


Cód slándála
Athnuaigh

Parse Error: Specification mandate value for attribute data-aria-label-part
09:40PM Nov 25