RSS

TÁ TÚ ANSEO Tuairimí Scéalta ón Taobh Rua Clann mhór CLG ag teacht le chéile

Scéalta ón Taobh Rua \| Hector Ó hEochagáin

Clann mhór CLG ag teacht le chéile

Satharn 3 Samhain 10.43pm

Páirc Mhic Easmainn

Béal Feirste

Bhí beagnach 20,000 sáite isteach sa pháirc pheile cháiliúil seo i lár chathair Bhéal Feirste. Tháinig siad le chéile ar an oíche fhuar thirim seo le hómós a thaispeáint do bhean óg as Tír Eoghain , bean óg as Éirinn a maraíodh agus í ar mhí na meala thall ar Oileán Mhuirís.  Thángamar ar fad le cheile chun tacaíocht a thaispeáint agus a thabhairt do chlann Michaela Harte agus do chlann a fir chéile as Co an Dúin, John McAreavey.

D’oscail na geataí ag a 5 30 tráthnóna agus roimh a 6 bhí níos mó ná 5,000 suite ann lán le dathanna Dhún na nGall agus dathanna Uladh. Tháinig grúpa traidisiúnta rac cheoil, More Power To Your Elbow, ar an ardán agus níorbh fhada go raibh an slua ag bogadh ar na barraicíní ag coinneáil an fhuachta uathu.

Fuair mé glaoch gutháin ó John Mc Areavey thart ar dhá mhí ó shin, chuir sé ionadh an domhain orm go raibh sé ar mo thóir nuair a ghlaoigh sé… “Hector .. an é sin Hector?”   “John McAreavey anseo, tá cabhair ag teastáil uaim”. Théis an chomhrá gutháin dúirt mé leis go ndéanfainn pé rud a bhí uaidh agus go mbeinn sásta gan aon fhadhb dul go Béal Feirste agus Fear an Tí a dhéanamh ar aon oíche mhór a bhí pleanáilte acu. Bhí mé ag tnúth chomh maith le bualadh le Micky Harte, bainisteoir cáiliúil Thír Eoghain agus athair Michaela. Fear uasal, fear láidir, Éireannach den scoth a bhí sáite go hiomlán i gcúrsaí CLG le blianta anuas.

Os comhar an tslua ar an maidhc, dúirt mé leis go raibh an slua de 20,000, agus an tír ar fad taobh thiar dá chlann , agus go rabhamar ar fad ag iarraidh barróg mhór a thabhairt dó féin agus don chlann. Bhris an pháirc amach i mbualadh bos ar an toirt. Bhí sé go hálainn an spiorad a fheiceáil thuas i mBéal Feirste tríd an oíche, foireann Jimmy McGuinness agus foireann Joe Kiernan. Bhí corn Sam Maguire ann, bhí Corn an Bhóthair Iarainn an agus corn an Anglo Celt. Bhuail mé le daoine ó Chill Chainnigh, ó Cho an Chláir, ó Bhaile Átha Cliath agus ó Loch Garman. Bhí an chlann mhór Éireannach le feiceáil anseo anocht, clann Chumann Lúthchleas Gael.

Nuair a bhreathnaigh mé isteach i súile John McAreavey bhí an brón agus an trioblóid fós le mothú ann, beidh laethanta deacra aige as seo amach, beidh laethanta níos éasca aige chomh maith. Ach tá spiorad dochreidte aige, tá sé ag obair anois i dtreo an Michaeala Foundation. Eagras atá bunaithe ar anam agus ar shaol a mhná céile. Tá an dá chlann ag sracadh leo, lá ina ndiaidh lae, agus tá mé cinnte go bhfuair siad faoiseamh agus sásamh ón oíche mhór. Fuair siad an “Tacaíocht” a bhíonn ag teastáil uainn ar fad sa saol seo, tacaíocht an duine daonna.

Bhí an bua ag Uladh ar an oíche le 3 phointe idir na foirne . Bhí Dún na nGall beagáinín as cleachtadh ach cén fáth nach mbeadh. Ní bheidh sé rófhada arís go mbeidh an slua ag canadh na bhfocal cáiliúil sin de chuid Thír Chonaill ‘Jimmys Winning Matches , Jimmys winning Games, Jimmys bringing Sam back to Donegal again. … @michalelafoundation

 

Scríobh nóta tráchta


Cód slándála
Athnuaigh

Foinse Iallach ar Healy Camchuairt na Leon a fhágáil mar gheall ar ghortú - http://is.gd/100HLU - An nuacht is déanaí ó Foinse.ie #gaeilge
11:09AM Jun 07
Foinse Fiosrúchán ar bun maidir leis an tine ar thraen ó Bhéal Feirste go B - http://is.gd/xp7Iep - An nuacht is déanaí ó Foinse.ie #gaeilge
10:45AM Jun 07
Foinse Ceathrar fós faoi choimeád maidir le dúnmharú fir i nGaillimh - http://is.gd/RnjMG3 - An nuacht is déanaí ó Foinse.ie #gaeilge
09:30AM Jun 07
Foinse Pianbhreith le gearradh ar iarshagart as dhá chúis de mhí-úsáid ghn - http://is.gd/GG4KIs - An nuacht is déanaí ó Foinse.ie #gaeilge
09:15AM Jun 07
Foinse An Stát chun achomharc a dhéanamh maidir le rialú a thug an Ard-Chúi - http://is.gd/6uUlU6 - An nuacht is déanaí ó Foinse.ie #gaeilge
02:46PM Jun 06