RSS

TÁ TÚ ANSEO Tuairimí Smaointe Fánacha Plaic nochta in onóir do laoch mór rugbaí Thír Chonaill

Smaointe Fánacha \| Mícheál Ó Conaola

Plaic nochta in onóir do laoch mór rugbaí Thír Chonaill

Bhí ócáid stairiúil i Leitir Ceanainn le gairid nuair a nocht an |t-iar All Black cáiliúil Bryan Williams, plaic in onóir do Dave Gallaher an t-imreoir iomráiteach rugbaí a rugadh i Ráth Mealtain, Tír Chonail, sa mbliain 1873 agus a bhfuil ómós mór dó i dtír a dhídine, an Nua- Shéalainn, go dtí an lá atá inniu ann.
Ní raibh Gallaher ach thart ar chúig bliana d’aois nuair a shocraigh a mhuintir go bhfágfaidís Ráth Mealtain le saol níos fearr a dhéanamh dóibh féin thall sa Nua-Shéalainn. In Auckland a shocraigh siad síos agus b’ansin agus é ag éirí aníos a thosaigh Dave Gallaher ag imirt rugbaí. Ba i 1905 a baisteadh na All Blacks ar fhoireann náisiúnta na Nua-Shéalainne agus ba é Gallaher a gcéad chaptaen.
Díreach roimh an gComórtas Rugbaí Domhanda in 2011 nochtadh dealbh ina onóir taobh amuigh de Eden Park in Auckland agus insealbhaíodh san IRB ‘Hall of Fame’ é.
De réir cosúlachta, |b’ iontach an t-imreoir a bhí ann agus bhí sé ar dhuine de na daoine ba chionsiocair gurb é rugbaí spórt náisiúnta na Nua-Shéalainne. Tríocha trí uair ar fad a d’imir sé leis an Nua- Shéalainn, seacht |n-uaire fichead acu sin ina chaptaen. Ba é a scríobh an leabhar traenála The Complete Rugby Footballer, leabhar a mbaintear úsáid as go dtí an lá atá inniu ann. Níl baol ar bith nár fhág Dave Gallaher lorg a láimhe ar chúrsaí rugbaí na Nua-Shéalainne agus nach iontach go |mbeidh a thionchar le feiceáil anois thuas i dTír Chonaill ina cheantar dúchais.
moladh mór ag dul don Chlub Rugbaí agus do Chumann Lúthchleas Gael Leitir Ceanainn as ucht a theacht le chéile roinnt blianta ó shin leis an bhfiontar seo a chur chun cinn. Shocraigh siad páirceanna imeartha agus clubtheach a thógáil a bheadh in ann freastal orthu araon agus beidh clubanna eile as an gceantar in ann úsáid a bhaint as na háiseanna breátha freisin. Ní neart go cur le chéile.
Thug grúpa de na All Blacks agus a gcaptaen Tana Umaga cuairt ar an suíomh seo thart ar seacht mbliana ó shin agus thiomnaigh na páirceanna rugbaí do Dave Gallaher. Thugadar cuairt ar an áit ar rugadh é i Ráth Mealtain freisin agus ba scéal mór le rá a bhí ann ag an am ar fud an domhain. Anois, seacht mbliana ina dhiaidh sin tá áiseanna breátha curtha ar fáil do rugbaí agus do chluichí Lúth Chleas Gael san áit seo ar chostas €1.5 milliún.
Ceathracha ceathair bliain d’aois a bhí Dave Gallaher nuair a bhásaigh sé. Is amhlaidh gur liostáil sé san arm nuair a bhris an Chéad Chogadh Domhanda amach agus maraíodh é in Passchendale sa mBeilg ag troid do na comhghuaillithe ar an |3 Deireadh Fómhair, 1917.

Scríobh nóta tráchta


Cód slándála
Athnuaigh

Parse Error: Specification mandate value for attribute data-aria-label-part
01:35PM Nov 24