RSS

TÁ TÚ ANSEO Gnéithe Blag Scannán

Blag Scannán

Brad Pitt sa scannán World War Z

ig_directors_board

World War Z

Rátáil aoise: 15A

Aisteoirí: Brad Pitt, Mireille Enos, James Badge Dale, David Morse.

Dáta eisithe: Beidh sé le feiceáil i bpictiúrlanna ar fud na tíre ón 21 Meitheamh ar aghaidh.

Tá an t-aisteoir clúiteach, Brad Pitt, le feiceáil ar an scáileán arís – an babhta seo sa scannán World War Z.

Déantar cur síos ar an scannán seo mar scannán aicsin, mar scannán uafáis agus mar dhráma freisin.

Dírítear ar an gcarachtar, Gerry Lane (Pitt). Is fostaí de chuid na Náisiún Aontaithe é Lane agus bíonn ar taisteal ar fud an domhain mhóir, le hiarracht a dhéanamh stop a chur le paindéim atá ag dul ar aghaidh le zombaithe sula mbíonn sé ródheireanach. Faigheann siad an lámh in uachtar ar rialtais agus ar airm in áiteanna ar fud an domhain agus bíonn an baol ann go gcuirfidh siad deireadh leis an gcine daonna go hiomlán.

Caithfidh Lane iarracht a dhéanamh stop a chur leis an bpaindéim sula mbíonn sé rómhall.

Tá an scannán bunaithe ar an úrscéal le Max Brooks agus is é Marc Forster an stiúrthóir.

Man of Steel: Scannán nua Superman le feiceáil sa phictiúrlann

ig popcorn

Man of Steel

Rátáil aoise: 12A

Aisteoirí: Henry Cavill, Amy Adams, Michael Shannon, Kevin Costner, Diane Lane, Laurence Fishburne, Antje Traue, Ayelet Zurer, Christopher Meloni, Russell Crowe.

Dáta eisithe: Beidh sé le feiceáil i bpictiúrlanna ar fud na tíre ón 14 Meitheamh ar aghaidh.

Creid é nó ná creid ach seo scannán eile atá déanta faoin laoch mór, Superman.

Thaitin na cinn eile ar fad go mór liom agus thaitin an tsraith teilifíse go mór liom freisin. Mar sin, táim ar bís chun an scannán is deireanaí seo a fheiceáil, le fáil amach an bhfuil aon mhaith leis nó an bhfuil sé níos fearr ná na cinn eile fiú.

léirmheasanna maithe faighte ag an scannán nua den chuid is mó agus deirtear go bhfuil sé carachtar Superman nua-aimseartha sa cheann seo.

Is é Zack Snyder stiúrthóir an scannáin seo – stiúrthóir a bhfuil clú agus cáil air agus a stiúir scannáin cosúil le 300.

Silver Linings Playbook ar fáil ar DVD anois

Silver Linings Playbook

Rátáil Aoise: 15A

Aisteoirí: Bradley Cooper, Jennifer Lawrence, Robert De Niro, Jacki Weaver, Chris Tucker agus eile.

Ní raibh mé róchinnte faoin scannán seo nuair a thosaigh mé ag féachaint air ar dtús. Bhí scéal an scannáin ar eolas agam mar gheall ar léirmheasanna a bhí leite agam faoi agus bhí imní orm go bhfaighinn an scéal féin saghas aisteach le leanúint.

Tar éis thart ar 15 nóiméad den scannán a bheith feicthe agam áfach, bhí barúil mhaith agam go dtaitneodh sé liom.

Is scannán drámatúil agus rómánsach é, ach tá beagán grinn ann freisin. Sa scannán, dírítear ar dhá phríomhcharachtar – Pat Solitano (Cooper) agus bean darb ainm, Tiffany (Lawrence).

Bíonn gnáthshaol ag Pat, é pósta agus ag obair mar mhúinteoir scoile. Iompraítear a shaol bun os cionn áfach an lá a shiúlann sé isteach ar a bhean chéile agus í in éineacht le fear eile. Téann sé as a mheabhair agus cuirtear isteach in institiúid do dhaoine le meabhairghalar é ar feadh ocht mí ar fad. Ceadaítear dá mháthair é a thógáil amach as, chomh fada is go gcoinneoidh siad féin súil air.

Bíonn Pat ag iarraidh gach rud ina shaol a chur ina cheart arís agus dul ar ais in éineacht lena bhean chéile más féidir.

Nuair a chastar cailín eile – Tiffany – air áfach, faigheann cúrsaí ina shaol beagán casta. Bíonn sí sásta cúnamh a thabhairt dó dul ar ais lena bhean chéile ach caithfidh seisean rud éigin a dhéanamh di ina áit. De réir mar a fhaigheann siad aithne ar a chéile, tosaíonn a gcaidreamh ag athrú.

Cheap mé gur oibrigh Bradley Cooper agus Jennifer Lawrence go hiontach le chéile sa scannán agus bhí mé i ngreim acu ó thús an scannáin. Cheap mé go raibh an ról a bhí ag Cooper sa scannán seo an-éagsúil ó na róil a bhí aige i scannáin eile go dtí seo. Bíonn ar mothúcháin níos dáiríre a léiriú, leis an ról a bhíonn aige in Silver Lingings Playbook.

Bhuaigh an scannán seo roinnt gradam le gairid agus is cinnte gur féidir a rá gur maith an aghaidh air é agus go bhfuil siad tuillte ag an dream a chur le chéile é agus na haisteoirí a bhí páirteach ann.

 

Léirmheas ar an scannán ceoil Les Misérables

Les Misérables

Rátáil aoise: 12

Aisteoirí: Hugh Jackman, Anne Hathaway, Russell Crowe, Helena Bonham Carter, Sacha Baron Cohen, Colm Wilkinson agus neart eile

Cuireadh an scannán ceoil seo le chéile mar leagan eile den cheoldráma a cuireadh ar stáitse, a bhí bunaithe ar úrscéal cáiliúil Victor Hugo.

Tá sé suite sa Fhrainc sa 19ú haois agus insítear scéal Jean Valjean (Jackman) dúinn. Bíonn sé sa phríosún ach ligtear amach ar pharúl é. Ní chloíonn sé leis áfach agus éalaíonn sé ar fad. Caitheann sé blianta fada ina dhiaidh seo ar a theitheadh ó chigire na bpóilíní ansin, Javert (Crowe). Idir an dá linn, déanann sé iarracht cúnamh a thabhairt do Fantine (Hathaway), a théann i dtreo an striapachais tar éis di a bpost a chailleadh i monarcha Valjean. Nuair a fhaigheann Fantine bás, uchtaíonn sé a hiníon tar éis gealltanas a thabhairt di go dtabharfaidh sé aire di.

Déanann sé go iarracht éalú ón saol a bhíodh aige tráth ach an n-éireoidh leis? Caithfidh sibh féachaint air le fáil amach.

Bhí a fhios agam gur scannán ceoil a bhí anseo ach caithfidh mé a rá go raibh saghas iontas orm nach raibh aon ghnáthchomhrá tríd an scannán ar chor ar bith ach daoine ag canadh an t-am ar fad.

Aon scannán ceoil a chonaic mé roimhe seo, bhíodh amhráin á gcanadh ach bhíodh gnáthchomhrá le cloisteáil idir eatarthu freisin. Sa scannán seo, bhí na carachtair ag canadh i gcaitheamh an achair ar fad.

Thaitin an scéal go mór liom ach fuair mé saghas tuirseach den amhránaíocht (gan stad) thart ar leath bealaigh tríd an scannán agus ní raibh an tsuim chéanna agam ann. Fuair mé deacair é m’aird a choinneáil ar an scéal féin.

Bhí sé an-aisteach domsa freisin leithéidí Huge Jackson agus Russell Crowe a chloisteáil ag canadh mar a bhí siad sa scannán seo. Tá difear mór idir an léargas a thugtar dom ar Crowe sa scannán seo i gcomparáid leis an léargas a thugtar dúinn air sa scannán Gladiator Robin Hood mar shampla.

Taitníonn scannáin cheoil liom de ghnáth ach bhí an ceann seo beagán iomarcach dom leis an bhfírinne a insint. Is dóigh liom go raibh sé ró-éagsúil domsa go pearsanta.

É sin ráite, más duine thú a bhfuil an-suim sa cheol agus san amhránaíocht agat, níl aon dabht ach go dtaitneoidh an scannán seo thar cionn leat. Mar a dúirt mé, tá scéal aoibhinn leis freisin agus beidhgafa aige. Is dóigh liom gurb í Anne Hathaway an t-aisteoir is mó a sheas amach sa scannán seo...bhí sí ar fheabhas.

I mo chás féin, creidim go mbainfinn taitneamh níos fearr as an leabhar a léamh.

Tá sé seo ar fáil ar cíos ar DVD i siopaí Xtravision ar fud na tíre anois.

Tá liosta iomlán de na scannáin is deireanaí atá tagtha amach ar DVD agus Blu-ray le feiceáil ar shuíomh Xtravision ag http://www.xtravision.ie/Home

An scannán deireanach sa tsraith Twilight ar fáil ar DVD

Xtra-vision_none_copy

The Twilight Saga: Breaking Dawn Part 2

Rátáil aoise: 12A

Aisteoirí: Kristen Stewart, Robert Pattinson, Taylor Lautner, Mackenzie Foy, Maggie Grace, Dakota Fanning, Nikki Reed

Dáta eisithe: Beidh sé le feiceáil i bpictiúrlanna ar fud na tíre ón 16 Samhain ar aghaidh.

Is é seo an ceathrú scannán sa tsraith áirithe seo, a bhfuil an-cháil go deo uirthi – go háirithe i measc na ndaoine óga. Is é seo an ceann deireanach sa tsraith ach leis an bhfírinne a insint, ní chuirfeadh sé aon iontas orm dá ndéanfaidís iarracht scannán nó dhó eile a chur leis an tsraith. D’éirigh thar barr leis na scannáin ar fad go dtí seo.

Sna scannáin eile, ba ghnáthdhuine í Bella (Kristen Stewart) ach sa cheann seo, tá sí athraithe isteach ina vaimpír ag Edward (Robert Pattinson) sa deireadh. D’athraigh sé í mar gheall nach raibh aon rogha eile aige tar éis di a leanbh, Renesmee, a chur ar an saol agus bhí Bella ag fáil bháis.

Nuair a fhaigheann an Volturi – na vaimpírí is cumhachtaí dá bhfuil ann – amach faoi Renesmee, bíonn ar an teaghlach Cullen ar fad teacht le chéile arís chun í a chosaint. Bíonn orthu slua mór de vaimpírí eile a thabhairt le chéile le hiarracht a dhéanamh cuidiú leo freisin.

Má tá gach scannán eile sa tsraith feicthe agat go dtí seo, is cinnte nach fiú an ceann seo a chailliúint ach oiread.

D’aon duine nach bhfuil na scannáin eile sa tsraith feicthe acu, mholfainn gan féachaint ar an gceann seo go dtí go mbeidh na cinn feicthe agaibh. Má fhéachann, d’fhéadfadh mearbhall a bheith oraibh agus go mbeadh sé deacair an scéal a leanúint.

Tá sé seo ar fáil ar cíos ar DVD i siopaí Xtravision ar fud na tíre anois.

Tá liosta iomlán de na scannáin is deireanaí atá tagtha amach ar DVD agus Blu-ray le feiceáil ar shuíomh Xtravision ag http://www.xtravision.ie/Home

Parse Error: Specification mandate value for attribute data-aria-label-part
10:42AM Nov 28