Dé Céadaoin 19 Meitheamh 2013
Ní bhfaighidh leanaí le riachtanais speisialta ach trí cheathrú de na hacmhainní teagaisc breise a bhfuil siad ina dteideal ó Mheán Fómhair.
Tá sé mar thoradh ar ghearrthacha carnacha atá tarlaithe le dhá bhliain anuas mar aon le gearrthacha breise a fógraíodh inniu.
Tá na gearrthacha cáinte go láidir ag an INTO agus deir siad go bhfuil an Roinn Oideachais ag iarraidh déine na ngearrthacha a cheilt ó thuismitheoirí.
Tá beirt fhear fós á gceistiú ag Gardaí i ndáil le hurghabháil drugaí i nGaillimh.
Aimsíodh cannabas luibhe, le luach sráide measta €400,000 le linn cuardach ar theach i dTuaim inné.
Gabhadh beirt fhear sna 40idí agus tá siad á gcoinneáil i stáisiún Gardaí na Gaillimhe.
Cuireadh príosún saoil ar Adrian Bayley, 41 bliain d’aois, as dúnmharú Jill Meagher agus 15 bliana don “éigniú barbartha den chineál is measa” mar a thug an breitheamh Geoffrey Nettle air.
Dúirt an breitheamh go mbeadh ar Bayley ar a laghad 35 bliain a chaitheamh sa phríosún sula gcuirfí san áireamh do pharúil é.
Bhí a chloigeann cromtha ag Bayley i gcaitheamh
Bhuail ACT Brumbies Leoin na Breataine agus na hÉireann le 14 phointe in aghaidh 12 inniu.
Is é seo an chéad chluiche atá caillte ag fir Warren Gatland ó thús a dturais.
D’imir na Brumbies, faoi stiúir Jake White na hAfraice Theas, a bhuaigh corn an domhain in 2007 lena thír dhúchais, rugbaí díreach agus chuir siad an-bhrú ar na Leoin ó thús an chluiche.
Thóg sé píosa ar na Leoin dul isteach sa chluiche agus bhí síneadh amach Rory Best lag arís inniu.
Níor
Phléasc beirt bhuamadóirí féinmharaithe iad féin ag mosc Siach i mBagdad, áit ar maraíodh 26 duine agus ar gortaíodh 55. Deir na póilíní gur phléasc an chéad bhuamadóir a phléascáin ag seicphointe slándála in aice leis an mosc chun aird na n-údarás a tharraingt.
Tar éis an chéad bhuama, d'éalaigh an dara buamadóir isteach sa mhosc agus phléasc sé é féin fad is a bhí daoine i mbun paidreoireachta lár an lae, a
Inné, d’aontaigh SAM agus an AE le cainteanna foirmiúla a reáchtáil le teacht ar chomhaontú trádála.
Inniu, pléifear cúrsaí cánach, trédhearcacht agus frithsceimhlitheoireacht.
Tá bealaí á lorg ag an uasal Cameron chun níos mó eolais cánach a fháil ó thearmainn chánacha amach ón gcósta cosúil le Beirmiúda nó Oileáin Cayman.
Teastaíonn uaidh chomh maith go n-inseodh comhlachtaí móra, go háirithe cuideachtaí ola agus mianadóireachta, níos mó faoi íocaíochtaí nó coimisiúin le baill de rialtais i dtíortha i mbéal forbartha.
Bhí David Cameron sásta
Maraíodh fear i dtimpiste bóthair in Eochaill, contae Chorcaí. Tharla sé idir 12.30am agus 3.20am ar maidin nuair a d’fhág an carr an bóthar agus a bhuail sé díog.
Tugadh tiománaí an chairr, fear 27 mbliana, chuig Ospidéal na hOllscoile, Corcaigh, áit ar bhásaigh sé.
Tá an bóthar dúnta fad is a dhéantar scrúdú fóiréinseach.
Iarrtar ar fhinnéithe teagmháil a dhéanamh le stáisiún Gardaí Eochaille.
Leathanach 1 as 498
Bíonn Foinse ar fáil saor in aisce leis an Irish Independent ar an gCéadaoin
