Díolfar breis agus 200mn de na milseáin ‘Love Hearts’ do Lá Fhéile Vailintín i mbliana, féile a cheiliúrfar amárach.
Tá an mhonarcha ina ndéantar na milseáin san iomaíocht chun an teideal ‘ionad oibre is rómánsaí sa Bhreatain’ a bhaint amach.
Tá ‘Love Hearts’ á dtáirgeadh ag Swizzels Matlow le 58 bliain anuas. Tá duine as ceathrar atá ag obair ina monarcha i gcaidreamh le comhghleacaí; sin 61 lánúin a chas ar a chéile ann.
“Caithfidh go bhfuil rud éigin san aer,” arsa Jeremy Dee, stiúrthóir Swizzels Matlow. “Chas na lánúineacha ar fad ar a chéile ag an obair agus anois tá cuid mhaith acu pósta agus páistí acu. Is léir go spreagann ‘Love Hearts’ an grá!”
