Tuairiscíodh nach mbeifear ábalta tosú ag cuardach an déagóir, atá ar iarraidh amach ó chósta Dhún na nGall, arís go dtí an 11 am inniu, ar a laghad.
Bhí Sean McNair, 17 mbliana d’aois as Co Dhoire, ag snámh in éineacht lena chairde ag Ráth Maoláin go moch maidin Dé Sathairn, nuair a chuaigh sé ar iarraidh.
Chuir an drochaimsir as don chuardach inné agus tá faitíos anois go dtarlóidh an rud céanna inniu.
Táthar ag impí ar dhaoine cúnamh a thabhairt leis an gcuardach, ar feadh an chósta ansin, atá 32km ar fad.
