Deirtear anois go bhfuil a lán ag tacú le Harry Redknapp le háit Fabio Capello a thógáil mar bhainisteoir ar an bhfoireann – imreoirí mar Wayne Rooney ina measc.
D’fhógair Capello aréir go raibh sé ag éirí as a ról mar bhainisteoir ar an bhfoireann náisiúnta. Is inné a tháinig an scéala freisin go raibh na cionta maidir le himghabháil cánach a bhí tugtha i gcoinne Redknapp, tarraingthe siar.
Is ar an láithreán líonraithe shóisialta, Twitter, a deirtear a d’fhógair Rooney a thacaíocht féin do Redknapp agus is cosúil go bhfuil leithéidí Gary Lineker agus fear Sunderland, Martin O’Neill ag tacú le Redknapp freisin don ról.
Beidh preasocáid á reáchtáil ag Cumann Sacair Shasana ag meán lae inniu maidir le scéala Capello.
