Tá fear, atá 28 bliain d’aois, gafa ag póilíní sa Tuaisceart maidir le carr a fuadaíodh ansin aréir.
Deirtear gur stop fear, a raibh scian aige, bean a bhí ag tiomáint a cairr agus gur chuir sé iallach uirthi dul amach as an gcarr. D’imigh an fear leis ansin sa charr seo a bhí goidte aige – Vauxhall Corsa gorm.
Tharla an eachtra ar Bhóthar Windsor i nDeisceart Bhéal Feirste ag 11.18pm aréir, an 23 Feabhra.
D’éirigh le póilíní é a aimsiú go gairid ina dhiaidh áfach ar Shráid Earlscourt in Iarthar Bhéal Feirste, tar éis dóibh é a leanúint. Gortaíodh triúr póilíní, fad is a bhí siad á leanúint.
Níl aon ghortú ar an mbean ach go bhfuil sé croite go maith tar éis na heachtra.
