Beidh Uachtarán na hÉireann, Micheál D. Ó hUiginn, sa Ghaillimh inniu chun an tAonad Dianchúraim Nua-naíoch athchóirithe ag Ospidéal na hOllscoile ansin, a oscailt go hoifigiúil.
Chuir Rannóg Sláinte Poiblí (FSS) an Iarthair agus lucht an ospidéil féin fáilte roimh chuairt an Uachtaráin – a chéad chuairt oifigiúil chuig an ospidéal ó insealbhaíodh é mar Uachtarán ar an tír agus dúirt an tUasal Bill Maher, an Príomhfheidhmeannach atá ar Ghrúpa na nOspidéal sa Ghaillimh agus i Ros Comáin, gur onóir mhór í an chuairt seo don fhoireann ar fad san ospidéal.
Deirtear go bhfuil an t-aonad dianchúraim seo atá á oscailt inniu, ar cheann de na haonaid is nua-aimseartha in Éirinn agus go mbeifear ábalta cúram den chéadscoth a sholáthar do leanaí a bhíonn tinn nó réamhaibí.
