RSS

TÁ TÚ ANSEO Nuacht Nuacht is déanaí An Rialtas chun tuilleadh gearrthacha áitiúla a fhógairt

Nuacht is Déanaí

An Rialtas chun tuilleadh gearrthacha áitiúla a fhógairt

Fógróidh an rialtas tuilleadh cumasc agus cealú comhairlí timpeall na tíre an tseachtain seo chugainn, chun coigiltis mhóra a dhéanamh sa cháinaisnéis.

Tuigtear go bhfaighfear réidh leis na 75 comhairle baile ar fud na tíre ag na toghcháin áitiúla an bhliain seo chugainn.

Tá comhairlí eile, cosúil le comhairlí cathrach agus contae na Gaillimhe le cumascadh, mar aon le comhairlí cathrach agus contae Phort Láirge. Rinneadh é seo cheana i Luimneach agus Tiobraid Árann.

Táthar ag súil chomh maith go bhfógróidh an rialtas a chinneadh maidir le méara a thoghfar go díreach do Bhaile Átha Cliath.