RSS

TÁ TÚ ANSEO Nuacht Nuacht is déanaí Scanradh ar thuismitheoirí maidir le ‘troid fóin’ idir cailíní

Nuacht is Déanaí

Scanradh ar thuismitheoirí maidir le ‘troid fóin’ idir cailíní

Tá uafás ar Ghardaí, scoileanna agus grúpaí tuismitheoirí mar gheall ar fhíseán de bheirt chailíní i 'dtroid fóin’ fhíochmhar i bpáirc.

Feictear beirt déagóirí san fhíseán atá feicthe os cionn 10,000 uair ar an Idirlíon, ar féidir an bheirt díobh a aithint, ag caitheamh dorn agus ag troid ar an talamh agus scata daoine ag féachaint ar an troid.

Tharla an troid i bPáirc Dhúglas i gCorcaigh agus feictear slua mór daoine ag féachaint ar an troid agus cuid díobh ag screadaíl "buail í, buail í".

Is féidir na héide scoile ar go leor de na déagóirí a aithint agus feictear go leor díobh ag úsáid fóin phóca chun an troid a thaifead.