Níor éirigh leis an achomharc a rinne sáirsint in aghaidh a ciontaithe maidir le hionsaí a rinneadh ar fhear, fad is a bhí sé á ghabháil i bPort Láirge.
Ciontaíodh triúr gardaí ar fad maidir leis an ionsaí a rinneadh ar Anthony Holness (39) i mí Eanáir 2010. Gearradh pianbhreith ar bheirt acu agus cuireadh an phianbhreith, de cheithre mhí, a gearradh ar an Sáirsint Martha McEnery as Co Chorcaí, ar fionraí.
D’éirigh leis an Sáirsint urghaire a fháil ón Ard-Chúirt, ionas nach bhféadfaí í a chur as a bpost, go dtí go mbeadh a fhios cén toradh a bheadh ar a hachomharc. Theip ar a hachomharc inniu áfach.
Rinne duine de na Gardaí eile, John Burke, achomharc chomh maith céanna, ach theip air freisin.
