Tuairiscítear anois go bhfuil éisteachtaí a bhaineann le heachtra 9/11 sna Stáit Aontaithe, tar éis tosú arís ag Guantanamo Bay na laethanta seo.
Is cosúil go bhfuil Khalid Sheikh Mohammed agus ceithre eile, atá cúisithe maidir le hionsaithe sceimhlitheora 9/11, ar ais os comhair Bhinse Míleata na Stát Aontaithe den chéad uair le timpeall is cúig mhí anuas. Meastar go mairfidh an binse seo ar feadh seachtaine ar fad.
Má chúisítear na daoine seo, d’fhéadfaí pionós an bháis a chur orthu.
