Tá an Ghníomhaíocht Náisiúnta Bhia sa tSualainn tar éis rabhadh a thabhairt ar fud na hEorpa maidir le dallamullóg atá á chur ar dhaoine maidir le mairteoil.
Deirtear go bhfuil líon mór d’fheoil á díol mar mhairteoil ach i ndáiríre, is muiceoil í, a bhfuil dathúchán bia curtha leis.
Is scannal uafásach é seo mar tá an-imní faoin gcontúirt a bhaineann leis. Is féidir mairteoil a ithe agus í amh ach ní féidir muiceoil a ithe amh mar dhéanfadh sé go dona thú. Tá imní freisin go bhféadfadh an dathúchán bia féin a bheith contúirteach mar níl a fhios cén cineál go díreach atá in úsáid.
Táthar ag cur fainice ar dhaoine a bheith ar an airdeall agus iad ag ceannach feola.
