Tá fiosrúchán á reáchtáil ag póilíní i dTuaisceart Éireann i láthair na huaire maidir le leanbh nuabheirthe a deirtear a fuair bás tobann ansin.
Thángthas ar an leanbh óg i gcarr, ar shráid in aice le Bóthar Bhaile Nua na hArda Uachtarach, i mBéal Feirste, deireanach tráthnóna Dé Máirt. Dar le tuairiscí éagsúla, bhí an leanbh i mbúit an chairr.
Deirtear go bhfuil na póilíní ag déanamh iniúchadh ar na torthaí a bhí ar an scrúdú iarbháis agus go bhfuil siad i mbun fiosrúcháin le muintir an linbh freisin.
