Foinse.ie

Cuirtear urú ar thúslitir ainmfhocail i roinnt cásanna:

• Tar éis an ailt (an):

1. Sa tuiseal tabharthach uimhir uatha tar éis na réamhfhocal simplí seo:

Ag, ar, as, chuig, faoi, le, ó, roimh, thar, trí, um.

Má thosaíonn an t-ainmfhocal le d nó t áfach, ní uraítear é:

• Ag                           - Ag an gcluiche
• Ar                           - Ar an dáta
• As                          - As an bhfuinneog
• Chuig                     - Chuig an bpictiúrlann
• Faoi                        - Faoin mbord (athraíonn ‘faoi an’ go ‘faoin’)
• Le                           - Leis an gcarr
• Ó                             - Ón mbeár (athraíonn ‘ó an’ go ‘ón’)
• Roimh                   - Roimh an mbialann
• Thar                       - Thar an ngeata
• Trí                           - Tríd an mballa (athraíonn ‘trí’ go ‘tríd’ roimh ‘an’)
• Um                         - Um an mbaile
  
  

1. Sa tuiseal ginideach, uimhir iolra:

• Bia na n-éan
• Cótaí na bhfear
• Bróga na mban
  
  
• Tar éis an réamhfhocail ‘i’:

1. I gCorcaigh
2. I mBaile Átha Cliath
3. I dteach
4. I mbialann

Athraíonn ‘i’ go ‘in’ roimh thúsghutaí, roimh ‘dhá’ agus roimh ‘bhur’:

1. In uisce
2. In dhá áit
3. In bhur gcarr
4. In áit ar bith
   
   

• Sna nathanna seo:

1. Ar gcúl
2. Ar ndóigh
3. Ar dtús
4. Go bhfios dúinn
5. Cá bhfios dúinn?
   
   

• Tar éis na n-aidiachtaí sealbhacha iolra ár, bhur, a:
  
  

1. Ár n-athair
2. Ár bpáistí
3. Bhur dteach
4. Bhur gcuid airgid
5. A mbróga
6. A n-aintín

• Tar éis na n-uimhreacha seacht, ocht, naoi, deich:

1. Seacht gcapall
2. Seacht n-uaire
3. Ocht gcapall
4. Ocht n-uaire
5. Naoi gcapall
6. Naoi n-uaire
7. Deich gcapall
8. Deich n-uaire