Bhí roinnt den lucht leanúna, a thaistil chun na Fraince don chluiche rugbaí an deireadh seachtaine seo caite, ar buile nuair a socraíodh an cluiche a chur ar ceal ansin.
Tá sé ráite anois áfach, go bhfuil acu go dtí an 23 Feabhra, chun a gcuid airgid a fháil ar ais ar na ticéid.
Caitheadh an cluiche rugbaí idir Éire agus an Fhrainc, mar chuid de Chraobh na Sé Náisiún (RBS), a chur ar ceal díreach sula raibh an cluiche ceaptha tosú, mar gheall go raibh an pháirc reoite.
Tá dáta nua socraithe don chluiche anois agus tá sé le bheith ar siúl ar an 4 Márta ag a 3pm. Deirtear go bhfuil na daoine, a raibh ticéad ceannaithe acu don chluiche an uair dheireanach, ábalta úsáid a bhaint as na ticéid chéanna arís don dáta nua mura dteastaíonn uathu a gcuid airgid a fháil ar ais.
Tá gach eolas le fáil ar http://www.irishrugby.ie/ireland/25633.php
