Deirtear anois go mbeidh Carlos Tevez ar ais ag imirt leis an bhfoireann, Manchester City, in ainneoin an méid a dúirt sé faoin mbainisteoir, Roberto Mancini.
Mhaíomh Tevez gur chaith Mancini leis féin mar a chaithfeá le madra agus gur mhaslaigh sé é.
Dúirt sé inné, áfach, go bhfuil sé réidh le dul ar ais ag imirt lena fhoireann agus a dhícheall a dhéanamh don chlub. Caithfidh sé filleadh ar ais ón Airgintín anois, áit a raibh sé ó thús na Samhna, gan cead ó lucht Manchester City.
Níor imir Tevez le City ó chuir Mancini ina leith gur dhiúltaigh sé dul ag imirt i gcoinne Bayern Munich i mí Mheán Fómhair.
