Fógraíodh ar maidin inniu go bhfuil sé beartaithe ag Niall Quinn seasamh siar óna phost, mar an stiúrthóir d’fhorbairt idirnáisiúnta leis an bhfoireann, Sunderland.
Deirtear go dteastaíonn ó Quinn filleadh ar Éirinn, le go mbeidh sé ábalta a airde a dhíriú ar a theaghlach agus ar a chúraimí eile, ó thaobh cúrsaí gnó de.
Sheas Quinn siar óna ról mar chathaoirleach ar an gclub i mí Dheireadh Fómhair 2011, le go mbeadh sé ábalta díriú ar an gclub a fhorbairt go hidirnáisiúnta ach anois, tá sé ag seasamh siar go hiomlán ón gclub.
Tá sé bliana ar fad caite aige leis an gclub agus dúirt sé ar láithreán gréasáin oifigiúil Sunderland, go raibh sé an-bhródúil as an bhfoireann agus as an méid dul chun cinn atá déanta acu le blianta anuas.
