Foinse.ie

Saor Leis an Irish Independant gach Ceardoin

Déardaoin 31 Eanáir 2013

RSS

TÁ TÚ ANSEO Spórt Sport ón Imeall Laochra sa leadóg bhoird

Laochra sa leadóg bhoird

Ríomhphost Priontáil PDF

Cuireadh deireadh le rith dochloíte an imreora Zhao Li a imríonn le club Donic ag comórtas do rangú imreoirí sóisir leadóg bhoird STIGA. Is é imreoir óg Eastpoint, Ryan Farrell, a bhain tuisle as an Síneach nár buaileadh ó thosaigh sé ag imirt i gcraobh na ndaltaí dhá bhliain ó shin.

Is léir gur thóg Farrell ar an méid a bhain sé amach anuraidh i gcraobh 2009 nuair a d’éirigh leis an dara háit a thabhairt leis.

B’éigean don bheirt ógánach cúig sheit a imirt le clabhsúr a chur leis an gcluiche corraitheach in ionad spóirt Choláiste Ollscoile Bhaile Átha Cliath.

Bhí an lámh in uachtar ag stíl ionsaithe agus cúlbhuille láidir Farrell ó thús go deireadh an chluiche. Choinnigh sé greim daingean ar an imirt ón tús agus ba léir a chuid smachta ar an gcluiche sa seit mullaigh. Fágann a bhua an chéad chraobh náisiúnta i séasúr 2010/2011 sa leadóg bhoird ag Ryan.

Thug Sam Logue, a imríonn le club ALSAA, craobh shóisir na mbuachaillí leis go compordach lena bhua cuimsitheach ar a chéile comhraic Ashley Robinson.

D’éirigh le Logue an bua a thabhairt leis taobh istigh de cheithre sheit.

Bua mór é seo do Logue agus tús maith leis an séasúr ó tharla gur chríochnaigh Robinson sa cheathrú háit i rangú na sóisear anuraidh agus ba é rogha na coitiantachta ag dul isteach sa chomórtas é.

Bhí bua slachtmhar ag Ashley Given i gcraobhchomórtas sóisir na gcailíní. Bhuail Given as Cúige Uladh Sarah Timlin as Maigh Eo sa chluiche ceannais.

Níl Given i bhfad sa bhaile tar éis di a bheith ag imirt ar fhoireann sinsir na hÉireann den chéad uair i gcraobh na hEorpa a reáchtáladh le gairid in Ostrava.

Is léir go bhfuil an cumas agus an teacht chun cinn inti an chraobh a thabhairt léi arís i mbliana agus táim cinnte go ndéanfaidh sí a míle dícheall í a choinneáil ina seilbh.

Má léiríonn sí an scil agus an cumas céanna a léirigh sí an deireadh seachtaine seo caite beidh sé thar a bheith deacair í a chloí.

Rinneadh trácht san alt seo roinnt seachtainí ó shin do phróifíl aoise na n-imreoirí. Agus cé go bhfuil áit bainte amach ag Given ar fhoireann na sinsir níl ach na 15 bliana slánaithe aici.

Fágadh folús mór ina diaidh sa chraobh faoi 14 bliana d’aois i mbliana agus ba í Meadhbh Slattery as Club Bhaile Ghrifín a líon an folús sin agus a thug léi craobh na ndaltaí i gcomórtas na gcailíní. Bhuail sí Emma Ludlow leis an scór 11-9 sa chúigiú seit.

Reáchtáladh comórtais freisin d’imreoirí faoi dhá bhliain déag d'aois agus faoi dheich mbliana d’aois.

Bhí deis iontach sa dá chomórtas seo d’imreoirí óga as ceithre chúige na tíre a scil agus a gcumas a léiriú ar stáitse náisiúnta ar bhun spraoi agus ar bhun iomaíochta.

Bhí an-deireadh seachtaine ag gach a raibh baint acu leis an gcomórtas.

Bhí an ITTA, Cumann Leadóg Bhoird na hÉireann agus an lucht eagraithe sásta leis an imeacht agus cuireadh sárthaispeántas leadóg bhoird os comhair an tslua a chruinnigh don imeacht.

 

Scríobh nóta tráchta


Cód slándála
Athnuaigh

Suirbhé

Tá formhór na n-athruithe a fógraíodh i mBuiséad 2013 i bhfeidhm anois ó thús na bliana. An bhfuil tionchar na n-athruithe le tabhairt faoi deara go láidir go fóill dar libh?




Torthaí

Twitter